COVID-19

Ikk khayaal hai 

Thoda sa hai uljhan bhara

Par sach maanna bemisaal hai...

Kahan talaashu 

Kis se puchu 

Dil mein jo ek sangeen sa sawaal hai..

Ikk khayal hai ........

Kisne banaya

Kisne mitaaya

Kis ki aankh mein tha kitna paani

Kiske dard ne ye shehar jalaya,

Koi toh btaaye

Koi samjhaaye

Aakhir kis baat ka bawaal hai...

Kahan talaashu 

Kis se puchu

Dil mein jo Ikk sangeen sawaal hai..

Ikk khayal hai .....

Koi paas naa aaye

Naa koi gale lagaaye

Har aankh mein dar

Har saksh ghume chehra chupaaye

Hai ye insaaniyat

Yaa haiwaniyat

Hai koi saazish “JB”, Yaa koi janjaal hai 

Kahan talaashu 

Kis se puchu

Dil mein jo Ikk sangeen sawaal hai..

Ikk khayal hai .....

Mandir bhi sunsaan hain

Bhay mein har insaan hai

Sadiyo se jinhein tha pujta

Kya soch mein koi bhagwan hai 

Aage kya hai raasta

Naa qadar kisi ki

Naa koi waasta

Kya khoob bebasi, kya chakarvyuh saa haal hai

Kahan talaashu 

Kis se puchu

Dil mein jo Ikk sangeen sawaal hai..

Ikk khayal hai .....